Pokka Cafe (已結業)

今晚我们去咗铜锣湾行街，去到名店坊见到装修非常华丽嘅嘅「Le Grand Pokka Cafe」食晚饭！我们叫咗鲜南瓜汤、烧牛肉寿司、烟三文鱼玫瑰花、烧美国牛仔骨伴黑椒汁、秘制香辣非洲焗鸡同蜜糖辣肉肠焗德国咸猪手！鲜南瓜汤相当香滑浓郁，味道好香甜！烧牛肉寿司嘅牛肉轻轻烧过，加埋秘制嘅酱汁，令到味道更加惹味香口，肉质好嫩滑！烟三文鱼玫瑰花嘅卖相超级精致吸引，用烟三文鱼堆砌成一朵玫瑰花，真系好有心思！烧美国牛仔骨伴黑椒汁嘅肉质非常松软，肉味好浓郁，配上与众不同嘅自家调教秘制黑椒汁，加上大厨控制嘅火候恰到好处，完全唔会有韧嘅感觉，真系超好味，必定一试！系本人嘅必食推介！秘制香辣非洲焗鸡嘅肉质极之嫩滑，就鸡胸肉都唔会有「嚡」嘅感觉！蜜糖辣肉肠焗德国咸猪手炆得好腍好入味，肉质相当松软，猪皮非常软滑，而且入口即溶，完全唔会有油腻嘅感觉，酱汁嘅味道甜甜辣辣，非常开胃！