老二花廳 (已結業)

同好姊妹聚会，拣咗一间好有特色啲嘅餐厅，上网见到啲相比佢吸引左去。去到觉得装修好特别，好有怀旧感，壁画又好得意，岩哂同闺蜜们去影下靓相，食下野，倾下计～食物嘅种类都几多，饱肚嘅又有，小食又有，甜品又有，花茶咖啡奶茶都有，任君选择。我哋就叫咗一个阔条面，三份小食。系等紧嘢食嘅时候，发现到除咗装修特别之外佢嘅餐具都非常之特别，真系劲有怀旧感，好似回到过去一样！食物嘅质素都几有水准，阔条面一上枱就闻到阵阵香味，令人流晒口水，味道都好好。其他小食嘅份量都好多，黑松露薯条除咗有酱点之外上面都淋左啲黑松露酱，令到黑松露味更有层次。小食拼盘嘅鸡翼都好香口，几好味。咸窝夫就比较有特色，再饮埋杯嘢饮真系好饱。最后原来朋友准备咗生日蛋糕同我庆祝(切饼费$50)，好开心可以喺呢度影咗好多靓相，店员都好好人帮忙影合照，过咗个好开心嘅下午。有啲朋友见到啲相之后都问我去咗边度食嘢，整体来讲我都几钟意呢间餐厅，所以会再推介比朋友。