影片
更多
2020-05-01
371 浏览
今晚同屋企人一齐出去食晚饭，见到我家姐介绍呢间泰国菜，初头冇特别留意佢个样，以为系一般泰国菜咁样嘅装修，但系见到入边就充满着霓虹灯，个样就一啲都同以前嘅泰国菜好唔同，咁见到入边有好多年青人嘅，咁就好明显呢间系一间年青人做嘅餐厅啦，所以啲装修都系会比较有格调一啲嘅，咁就唔会话太千篇一律，俾人个印象都其实系好良好，因为其实入边餐厅嘅打卡位真系好多，食完饭可以用多少少时间嚟打卡，因为我今次同屋企人一齐嚟食，佢哋唔钟意影相，咁就都冇特别晒好多时间喺度咁样嘅。今次我哋三个人，咁就叫咗好多好多嘢食，因为我家姐早餐都未食，咁我只系朝头早食咗少少野，咁直至到夜晚都冇食过嘢啦，所以其实我哋系好肚饿嘅情况之下食嘅，所以我哋叫得比较多，咁我唔会详细咁讲每一道菜啦，咁每样就提点两句咁样啦。首先上咗个冬阴功汤，冬阴功汤其实系好饮嘅，而且都可以还原到喺泰国食嘅冬阴功嘅风味，所以冬阴功汤我会俾佢中上嘅分数。之后就嚟咗个墨鱼角，我系第一次食嘅，我觉得好特别，而且个味道唔差，所以我会比满分佢，尤其是钟意食墨鱼嘅人可能会真系好钟意食嘅，因为佢入边嘅墨鱼嘅数量系好多嘅。咁我哋嗌左个小食拼盘，小食拼盘其实就个鸡翼都好好食嘅，
今次我哋三个人，咁就叫咗好多好多嘢食，因为我家姐早餐都未食，咁我只系朝头早食咗少少野，咁直至到夜晚都冇食过嘢啦，所以其实我哋系好肚饿嘅情况之下食嘅，所以我哋叫得比较多，咁我唔会详细咁讲每一道菜啦，咁每样就提点两句咁样啦。
首先上咗个冬阴功汤，冬阴功汤其实系好饮嘅，而且都可以还原到喺泰国食嘅冬阴功嘅风味，所以冬阴功汤我会俾佢中上嘅分数。之后就嚟咗个墨鱼角，我系第一次食嘅，我觉得好特别，而且个味道唔差，所以我会比满分佢，尤其是钟意食墨鱼嘅人可能会真系好钟意食嘅，因为佢入边嘅墨鱼嘅数量系好多嘅。咁我哋嗌左个小食拼盘，小食拼盘其实就个鸡翼都好好食嘅，佢做咗单骨呀，所以佢都好体贴啲食客个仪态，另外素菜春卷仲有虾饼𠮶啲其实都好食嘅，所以虾饼食得出其实系有啲虾味嘅，就唔似好似平时出边食𠮶啲虾饼好多粉。咁另外仲叫咗个泰式青木瓜沙律，我嫌佢唔够辣，佢酸味比较重，所以我觉得个味道都系一般，系食唔番喺泰国食𠮶只青木瓜沙律，一嚟佢个青木瓜沙律唔够辣，二来个味道其实系有少少偏离左。之后我哋仲叫咗个金边粉，金边粉就系炒得好食嘅，难怪咁多网友会有推荐啊，所以呢点到可能要refer返其他客人写过嘅食评，睇吓佢哋点样评价金边粉啦，等我呢边都唔详细讲太多，其实我觉得个炒金边粉系好食嘅。另外仲有个生菜包，生菜包都系一样嘅情况，都系觉得佢唔够辣，但系我个人本身都钟意食生菜包，之前食过其他一间餐厅食个生菜包佢系比较好重柠檬叶嘅味道，但系呢间就反而冇咗，咁佢都比较偏重咸味咁样，我觉得如果系生菜包入边嘅肉其实都系偏向多啲辣其实系会好食啲，都会惹味啲嘅，所以我都会suggest辣少少会好啲咁样。另外炒通菜其实食落去唔够镬气，个感觉就似系先将个通菜白灼左，再拎返返去个镬度再加番啲酱落去捞匀佢就算，但系我后期都打算将啲通菜食晒佢，但因为食咗好几啖就系好大阵𠮶啲辣味，都略嫌佢有啲捞得唔系好均匀，所以飞天通菜真系令到成餐饭扣左唔少分，希望餐厅都可以见到呢个评论之后好好改善下飞天通菜嘅问题。
另外饮品个方面就系我哋嗌左两杯青柠梳打，一杯珍多冰，珍多冰就一般嘅，但系青柠梳打系太酸，我自己就用咗出边嘅水再将我自己本身个杯梳打再沟多啲水，令到佢个酸味中和返，咁先至勉强饮到，咁我阿妈就冇沟到水嘅，咁佢都饮到一半都顶唔顺，因为真系实在太酸，所以我觉得啲青柠汁可以落返少啲。
另外仲有个甜品，芒果糯米饭，糯米饭颜色好特别，另外芒果系甜嘅，上菜嘅速度都算系快，所以我觉得芒果糯米饭其实可以话系为成餐晚饭画上完美嘅句号。
最后讲吓装修，装修方面其实系好嘅，背景音乐系播住广东话歌，都系啲90后会熟悉嘅歌，好适合年轻人，另外上菜速度都算系快嘅，店员嘅服务态度系良好，起码我有阵时有啲嘢想问嘅，咁佢哋都会随传随到，咁语气都唔系话唔好嘅，同埋见到同事之间玩得都开心嘅，但系因为我见到呢其实系佢哋有时玩到太癫，咁例如话同其他食客𠮶啲咁样，所以可能呢间餐厅有时都会有喧闹情况出现，咁可能都会吓亲其他食客，咁只系个少少建议姐，咁就希望下次唔好再咁啦！
芒果糯米饭
10 浏览
0 赞好
0 留言
泰式炒金边粉
8 浏览
0 赞好
0 留言
青柠梳打
5 浏览
0 赞好
0 留言
飞天通菜
4 浏览
0 赞好
0 留言
珍多冰
3 浏览
0 赞好
0 留言
生菜包
9 浏览
0 赞好
0 留言
飞天通菜
2 浏览
0 赞好
0 留言
小食拼盘
5 浏览
0 赞好
0 留言
墨鱼角
3 浏览
0 赞好
0 留言
冬阴功汤
3 浏览
0 赞好
0 留言
木瓜沙律
9 浏览
0 赞好
0 留言
张贴
