翠華冰廳 (已結業)

成日蒲荃湾嘅我，知道荃湾广场开咗翠华一排，今日终于嚟帮衬啦。我系下午茶时间嚟嘅，有窗口嘅卡位坐，有啲日光好舒服。下午茶时间有唔少下午茶选择，有常餐啦、亦有啲几吸引嘅三文治。我自己就嗌咗个常餐。因为好想食炒蛋同多士。冇失望，个炒蛋份量都几多同埋好滑，多士烘得几好，唔会有太干或者太湿嘅情况出现。个鸡丝蕃茄米粉亦都几好食，而家转左只新嘅米粉，同街𠮶啲唔同几得意。钟意嚟翠华，另一个原因系佢成日有特饮，今日我试咗个蛋白杏仁露，好啱冬天饮。