黑木亭-お食事処 (玉成大廈) (已結業)

依间黑木亭其实我以前都嚟食过, 以前净系外卖而家装修咗之后就有堂食所以决定嚟试一试, 因为始终都系外卖店所以装修完之后都系堂食座位较小及迫, 但系卫生程度就唔错. 咁讲返啲嘢食先价钱都唔算平, 但因为之前食外卖果时候都觉得啲嘢食有质素, 所以照叫自己中意食, 头盘就嗌咗个六杯蚝, 三款唔同酱料嘅生蚝, 我自己就钟意食泰式汁多啲, 咁日本生蚝鲜味多啲, 海水味冇咁重, 但希望店舖下次可介绍一下乜嘢酱汁, 因为真系唔知边只打边只. 跟住食左吞拿鱼安康鱼肝卷, 呢个个人强烈推介, 都唔知道原来吞拿鱼蓉好夹到安康鱼肝, 食落去系做好清新嘅感觉, 加上面头有啲炸葱, 完全feel唔到有鱼肝普遍有的腥味. 再嚟嘅吉列虾佢配自己嘅蛋白酱, 本身只虾就一般冇咩特别, 系我妹叫食吉列虾, 但我比较钟意佢个酱汁, 你只得出面𠮶啲沙律酱咁浓味, 清淡版嘅酱料, 冇得弹. 跟住宫崎和牛a5就唔使讲啦, 品质保证, 佢加埋洋葱同埋生鸡蛋再配咗佢个酸汁食, 冇得输, 啲洋葱同埋啲酸汁完全中和和牛D油腻感, 又系必食之选. 最后就食埋个石头锅豚肉茄子饭, 呢个味道正正常常, 其实食石头锅饭最紧要个锅够热, 咁呢度又