富來粥麵小廚 (已結業)

装修完整体光猛左 但我一直都系买开外卖所以冇太大影响。冇谂过装修完 连menu都换埋。之前招牌菜沙姜鸡都冇左，另外本来每日都有既例汤都取消左。另外以前好好味好香口既咕噜肉都完全变样，唔单止唔系用侨头配搭，炸料厚之余仲又淋又韧，同以前可以保持香脆既水准真系差好远。因为冇沙姜鸡叫左咸香鸡，不过不失。唯一仲几好系个清炒菜心，来货唔错，菜心难得有甜味。唔知餐厅系想转换路线定系铺头转左手，但食物水准真系同以前差好远。希望可以认真正视。