紅茶冰室

营业中

休息中

放工同女朋友唔知食咩去，行行下就去左间茶记。门面都几靓。 入去坐低，见到装修到好似以前既冰室，坐位大部以卡位为主。 我叫左个咕噜肉，肉炸得唔错，即使淋左酱汁都仍然好松脆，唔会话冧晒。酱汁酸甜适中，食落好开胃。叫小菜可以加多15蚊升级成套餐，有饭有汤同饮品拣。汤可以拣白汤同红汤。 佢既红汤好浓味，真心唔错。而女朋友就叫左个焗猪扒饭，猪扒好肥，又唔会焗到太干。而个蕃茄汁对我黎讲略为酸左少少，但送饭系几开胃!如果谂唔到食咩或者想食下茶记，可以一试！