越南會館

营业中

休息中

喺九龙湾做完运动，就约妈咪食晚饭啦！🥰🥰上次食咗日本拉面，今次妈咪话试下越南嘢，咁啱对面有间「越南会馆」，装修都几雅致。坐低叫咗个二人餐，老细就再加碗猪手扎肉河粉，同一个生菜包，三个人食就够啦！！佢个二人餐包个头盘，可以五选三，妈咪话唔想食煎炸嘢～我哋就叫晒两样唔煎炸，但系因为其他三样都系炸嘅～鼻哥窿担遮～点都要叫一样～😅😅🤭估唔到越南餐厅嘅Caesar salad都唔错㖞～第二样系越式米纸卷～第三样系咋鱿鱼，不过粉浆就比较厚……🫣😓主菜都系食粉面啦…叫咗一碗串烧鸡肉猪颈肉捞檬，佢两种肉类都整得好入味、好juicy～而且份量十足，所以基本上另一个炒粉丝都冇乜点食😅😅当然系打包做听日午餐啦！！老细嘅猪手扎肉河都几好味～猪手好淋好入味～汤底都几清甜！个生菜包令我印象最深刻😁😁🥰因为佢有别于一般泰式生菜包，而系跟埋薄荷叶、米粉、同埋一个好似海鲜酱嘅酱汁，个味道几特别！饮品都唔同平时饮开嘅…我叫咗杯薄荷青柠茶，原来一啲都唔甜㗎😅😅不过有啲薄荷味，夏天饮都几清新！