Pastime

营业中

休息中

餐厅装修系希腊小屋风，蓝白色主调，望落几舒服，仲有个室外用餐区，不过限制多多，所以都系坐室内算。其实入餐厅果阵预期系有人带位落单，但等左阵行入去收银问先知自助，揾到位坐低等左阵有店员比个QR Code自助落单。① 卡邦尼水波蛋意大利粉 $78好食Creamy既卡邦尼，不过份量几细份。② 带子蓝青口墨鱼汁意大利饭 $88三只青口加一只煎香大带子，意大利饭味道唔错。午餐配是日餐汤或沙律以及$35饮品，即系热花茶或热咖啡。朋友点了洋葱汤，我就拣左杂果沙律，个沙律望落几丰富，但食落只有意大利黑醋味。之后我加左$18试杯佐藤园焙茶鲜奶，味道几香，不过半杯冰，饮几啖就无左，真系几掠水。呢个Lunch食左成旧水，无乜Service又食唔饱，而且唔系特别出色，性价比偏低。