影片
更多
2011-09-17
126 浏览
何明记扩充，由一间舖扩大至两间舖，地方大咗，靓咗，但系食物选择少咗，价钱又贵咗，质素就……今晚老婆收夜，一个人走去何明记食饭。一个小菜套餐，唔计最贵𠮶四、五款，约$48至$55一份，包一碗白饭及一个例汤，好似唔太贵，但系睇埋份量及质素就……眼见隔离枱嘅份量唔多，就叫咗两份餐，不过白饭、例汤就各一已足够。先上例汤，冇咩寄望，但居然唔够热！完全唔明白点解！虽然话送，但系唔热嘅汤，点饮呀！叫咗一份干炒咖喱鸡$55同一份XO酱西芹炒斑片$52。干炒咖喱鸡，唔辣，只不过系将一件鸡扒斩件，加几件薯仔，混少量咖喱粉炒成；坦白讲，对于我来说，鸡扒比鸡件更好，因为啖啖肉，冇骨，但系就冇鸡翼咁滑、咁入味，而且这个所谓干炒，其实冇什特色，味道尚可，但干到连汁都冇滴，点𩠌饭！至于XO酱西芹炒斑片，就完全唔够XO酱味，油太多，肥腻，斑片就预咗系雪藏斑片，不过质地都蛮可以，只系冇鱼味。整体上，装修后的何明记，各方面都差咗，但价钱却贵咗，有待改善！
今晚老婆收夜，一个人走去何明记食饭。一个小菜套餐，唔计最贵𠮶四、五款，约$48至$55一份，包一碗白饭及一个例汤，好似唔太贵，但系睇埋份量及质素就……
眼见隔离枱嘅份量唔多，就叫咗两份餐，不过白饭、例汤就各一已足够。
先上例汤，冇咩寄望，但居然唔够热！完全唔明白点解！虽然话送，但系唔热嘅汤，点饮呀！
叫咗一份干炒咖喱鸡$55同一份XO酱西芹炒斑片$52。干炒咖喱鸡，唔辣，只不过系将一件鸡扒斩件，加几件薯仔，混少量咖喱粉炒成；坦白讲，对于我来说，鸡扒比鸡件更好，因为啖啖肉，冇骨，但系就冇鸡翼咁滑、咁入味，而且这个所谓干炒，其实冇什特色，味道尚可，但干到连汁都冇滴，点𩠌饭！
至于XO酱西芹炒斑片，就完全唔够XO酱味，油太多，肥腻，斑片就预咗系雪藏斑片，不过质地都蛮可以，只系冇鱼味。
整体上，装修后的何明记，各方面都差咗，但价钱却贵咗，有待改善！张贴
