味苑燒鵝餐室

营业中

休息中

味苑装修前系我哋同事嘅饭堂, 装修咗好长时间, 而家见佢开返, 又咁啱限聚令放宽咗, 所以我哋几位同事就去食LUNCH。装修后地方少咗一半, 有上下层。入去写完资料同量完体温, 我哋就被安排坐上层。虽然坐上层, 但系我哋无被遗忘, 食店都有安排足够店员喺上层, 照顾周到。到点餐时间, 除咗驰名烧味套餐, 都有提供午餐。而我就梗系点返烧味, 今次点咗烧腩仔叉烧米粉! 食店好细心咁叉烧烧腩仔另上, 我好满意呀! 因为之前食店有试过放埋落碗米/面度, 搞到烧腩仔皮淋晒。今次分开上, 我仲食到脆嘅腩仔皮 叉烧方面, 佢咁啱俾咗叉烧头我, 呢个部份系我最钟意食嘅! 正! 米粉份量好多, 汤都好有味, 赞! 价钱方面, 比以前贵咗D。 食店卫生好过以前, 店员态度亲切! 想食烧味饭都会再嚟。