八妹雞煲

营业中

休息中

今日和朋友去大埔食饭，咁就试下大埔嘅八妹鸡煲，舖头好特别前面就好似普通嘅茶餐厅一样，但铺头后面嘅装修就完全唔同，好有香港怀旧feel，坐落就当然系叫咗个半只小辣鸡煲啦；见到墙上有介绍纽西兰刀贝，同埋爽脆墨鱼须，就各样叫咗一份，一定要叫出名嘅鲜炸响铃，手切牛肉，最后加个八妹蔬菜拼盘。当然就再叫咗一个最滑嘅嘉士伯啦，打边炉良伴；喺个鸡煲未嚟之前就出去个酱油摊档𠮶度，攞酱油啦顺便攞啲花生同埋啲薄脆去到食下。好快个鸡煲就到咗啦，跟住搅匀佢就开始食啦！味道唔错甜甜地如果钟意食甜鸡煲呢个就真系最啱喇！食到一半就攞起啲鸡出嚟再加一啲汤落去开始打边炉；啲爽脆鱿鱼须真系够晒爽脆，手切牛肉都够淋滑，响铃就真系好正，其实攞嚟搽鸡煲汁都一样咁美味呀，纽西兰刀贝就不过不失，蔬菜拼盘中嘅南瓜同埋皇帝菜都好出色。睇落唔算多嘢但系两个人食真系都几饱。捧住个肚返屋企。