老馮茶居 (荃灣千色匯II)

一开始俾佢个名吸引住因为叫老冯😂但系原来店里便用六七十年代嘅装修，感觉好怀旧！而且装修得好靓！好多时平时啲酒楼都已经闩晒门，得返专门食点心嘅舖头可以夜晚食点心！我哋点咗姜葱牛柏叶，咖喱蒸鱿鱼，蟹籽烧卖王，鲍汁柚皮鸭脚札，古法千层糕同埋冻嘅姜汁炖鲜奶🍴佢哋全部都系即叫即蒸，嚟到嘅时候影一轮相都仲系超级热👍🏽姜葱牛柏叶个芡汁啱啱好！牛柏叶爽口弹牙，因为出边好多时食牛柏叶我都咬唔烂😂然后咖喱鱿鱼嘅鱿鱼大大块！同牛柏叶一样都系好弹牙！不过如果咖喱汁可以杰身少少就完美啦😗蟹籽烧卖王超级大粒！而且仲有好多只虾！个人认为好推～然后见到鲍汁油皮鸭脚札系我未试过同埋未喺酒楼见过嘅～见佢写住推介就试吓，因为见其他枱都有人食紧！嚟到个样劲似鸡扎～都系用腐皮包住鸭脚炆得好腍！柚皮其实好难整，仲要佢整到一啲渣都冇！出色！之后古法千层糕，我觉得有别于出边嘅！依度嘅千层糕比较厚实，食落好饱肚最后个姜汁炖鲜奶，职员好好～一开头问我哋使唔使后上然后见我哋差唔多食完会主动问我哋系咪而家上！鲜奶好滑～如果姜汁重啲嘅话就正啦（可能我比较重口味）整体嚟讲性价比好高！其实想试佢啲砵仔饭，都只系30几蚊～要下次试埋佢！同埋搽位都只