留白居酒屋 (已結業)

今日食屯门景峰站附近，或者称为红桥，出晒名多嘢食嘅地方食晚饭。决定左食呢间新开唔系好耐嘅 留白居酒屋！食居酒屋第一样要叫嘅就系串烧，开胃又可以送酒，叫左一串盐烧翠肉瓜，一串酱烧鲍鱼（两只）同埋一串盐烧一口牛。烧出嚟系非常有火候，非常香口，鲍鱼烧过都食得出系好新鲜，口感一流，而翠肉瓜既入味亦唔硬，一口牛熟度刚好，丰富肉汁唔会干身。主食方面叫左吉列海老乌冬，另外加个炸鱼手指。乌冬嚟讲唔算太特别，做返居酒屋该有嘅水准，但系炸手指！真系超正！劲松脆之余入面嘅鱼肉系劲弹牙同香口，强烈建议主食乌冬之余叫多个嚟搭配！主食之后再叫左啲小食，松叶蟹甲罗烧，一样烧得好香，份量适中，值得加点一个试下！另外仲有蒜蓉烧茄子，味道似夜市档嘅感觉，真系好浓郁蒜蓉香，食完一定要饮多啲水，哈哈～或者好似我地咁，一人叫一杯鬼佬凉茶（啤酒）饮下，主要分两只premium malts suntory 同埋一番榨，两只本身香味上面比一般lager啤酒会浓少少，味道分别唔会太大，亦唔会好苦，适合大多数人口味。临走前，见到门口贴住有预订海鲜服务，圣诞一大班人可以谂下订定几打蚝嚟食😋😋