熨烤達人 (已結業)

呢个广场有好多餐厅，呢间比较突出嘅系佢嘅装修、菜牌、菜式都好有特色，以金仔同marvel 英雄结合嘅主题吸引人眼球。玩味十足之余，座椅有靠背，坐得几宽敞舒适。食物方面，今次点得唔多，但系点嘅嘢味道都唔错，芝士大肠同芝士炉边蛋都几好味！大队肠支支 $88首先一上台就觉得佢颜色好靓，橙黄色影相好sharp。猪大肠份量都算足，猪大肠同底下配菜都煮得入味，啖啖都有芝士香味。唔错。寒冰水冷面 $68平时冷面系将汤底雪冰，以保持冰冻之余又唔会令汤底变淡，但系佢将汤底雪成雪条样，仲有生果系入面，望落又靓又得意～加入醋之后冰冻又酸酸地，更加清爽。冷面用蒟蒻面，所以好爽口弹牙，浸泡几耐都唔会变软烂。ps：其实d 生果吸收左鸡汤味食落有d 怪😂😂特级雪花牛 $108肥牛得6片有d 少，但系牛肉味浓郁，而且几香，建议唔好烤到全熟食会软滑d。白饭$15食韩烧一定要点个白饭，捞芝士汁或者热辣辣芝士/粟米炉边蛋都好好味！呢间餐厅装修几特别，成间餐厅每个细节都贯彻主题，例如餐牌、座椅、食物名等等都呼应金仔、英雄主题。同朋友一齐食嘢倾计会几舒服。