意粉狂熱 (皇室堡) (已結業)

今日经过见到多人食，又见食评唔错，就同朋友走入去试下啦，我地简左一个意粉同一个焗饭，分别系 「香草烤鸡杂箘蕃茄意粉」同埋「蕃茄芝士海鲜焗饭」。「卖相」就唔评论，预左唔似Menu。首先，由个意粉讲起，一上枱「水」得黎酱汁唔「挂」面已经扣分，跟住就觉得「分量」真系略嫌少左o的（已经加左大都唔系好觉得加左），但味道真心一般，一黎烤鸡完全唔似烤鸡仲要冇鸡味（仲好似烚咁款，连煎都冇煎过咁款），而且冇拎煎过鸡既鸡油去整意粉既汁已经可以话输哂，冇哂flavour之余。另外，杂菌⋯⋯（究竟煮左几耐，有冇炒过都成疑问），至于蕃茄酱就冇乜香料配搭，冇层次感，所以各个食材味道可以话全部分开。至于个焗饭，真心觉得某某连锁薄饼店，都大份过佢，好食过佢。「卖相」今次有比较啦，完全唔系个回事，上枱个时都系水水（明明系焗架，比个藉口自己可能海鲜出水）。「味道」，芝士还可，蕃茄好明显又系蕃茄膏就咁摆落去（其实只需要加蒜片牛油炒过，再拎去搅拌，味道已经唔同），海鲜预左唔海鲜所以唔评论。最后，我个人意见书认为上多层去某某大字母台湾餐厅食既意粉都好食过呢间任何一款意粉，起码上枱都似番menu个样，又唔会好似食汤意粉先。