九五至尊火鍋狗毛

营业中

休息中

天气乍暖还寒，而且潮湿到死，食火锅系最啱啦。日前经过尖沙嘴宝勒巷，俾呢间「九五至尊狗毛」嘅装修气派吸引左，就决定试下。呢度应该系新装修，而且好阔落，比市面上大部分嘅火锅店都舒服同精致。我地一坐低，店员就殷勤咁介绍话佢地最近做紧汤底优惠，麻辣汤底、胡椒猪肚汤底、蕃茄薯仔汤底都免费，仲可以鸳鸯锅！而其他原价贵啲嘅就做半价～由于我地想去下啲湿气，就选择左胡椒猪肚同麻辣鸭血汤底。值得一赞系呢度嘅汤底用料好足，尤其系胡椒猪肚汤底用左好大旧猪骨去熬！打边炉梗系要食牛肉同海鲜啦，当晚我地order嘅安格斯三角肥牛可谓牛味十足，而且脂肪比例唔错。海鲜拼盘好大盘，有齐鲍鱼、大虾、带子、蛏子同蚬，非常丰富新鲜。手打墨鱼丸好弹牙，而且里面真系一旧旧墨鱼肉，绝对系高质之作！饮品选择颇多，日本生啤仲做紧优惠，但我地怕热气就选择左王老吉！甜品嘅杨枝甘露唔会太甜，芒果肉新鲜，正！酱料区好企理，而且配料选择多。