小南國 (已結業)

屋企人食团年饭又吾知食咩，去到屯门市中心最后选择了小南国，大约在7点时间不用等位就可以入去！～当然不用说这里装修都十分好同干净，随之而来有茶和小食比我地，我地大约食左2小时左右，每人大约＄160左右其实都抵食吾叫十分贵。当然待应态度都好，会倒茶和拾走碟。油焖荀豆苗$120：荀爸爸觉得有股怪味，但我觉得味道正常，豆苗都多同炒得香而吾太油。花雕醉鸡$78：好香花雕味，鸡肉嫩好味，底部仲有花生已经入晒花雕味，推介好味！～生煎包$38：包面软熟和入面肉汁好多又吾硬身，芝麻香仲有少少，底部有少少㶶所以脆口，不错。小笼包$52：正常味道，皮吾太薄身同入面有汤汁，猪肉加少少肥所以令到汤汁更香口。年糕泡饭$88：惊喜好味道，清清地菜好鲜好香，少少饭加年糕加菜清汤一口一口食好清新又饱肚。醋黄鱼$268：偏甜，醋味吾够多，鱼都大条抵食，鱼质吾梅又多肉。