Fifty Fifty (已結業)

今日系公众假期，决定去啲平时唔会去嘅地方食下饭行下街。今日决定去长沙湾，因为我成世人都系去咗两三次咁大把。揾地方食饭，自然上OpenRice睇吓边间多啲like㗎，依间有成二百几个like，决定就去呢间试吓个午餐。午餐超抵食， $50至$88就可以有汤有嘢饮，加$10仲有个甜品添，仲免加一！呢度好先进，系用电子餐牌。其实就系scan QR code 上呢个网：https://5050restaurant.com。是日餐汤系南瓜汤。上面好有心思，用cream画上餐厅名。南瓜汤超足料，饮落仲食到一粒粒南瓜！烧肉眼扒配杂菌忌廉汁($88)五成熟左右，仲要大大块，掂啊！华都夫沙律。呢个略嫌太多沙律酱。少番啲就好喇。因为上面啲苹果同西芹已经超够味。香煎鳕鱼配香草酱($78)。鱼有啲干，如果酱再多啲会比较好。蓝莓乳酪(+$20)，有粒粒蓝莓，但乳酪就比较水，结啲会更好。咖啡甜酒(+$30)。拉花好靓，咖啡加上甜酒，无需要加糖已经好好味。酒精份量唔多，可以放心饮，唔会醉的！是日甜品系红梅芝士蛋糕。甜度正常，配咖啡啱晒。呢度假日都爆场。好钟意呢度既装修，好有义大利风情。连厕所都有好多摆设。