影片
更多
2004-09-12
0 浏览
今日同妈咪黎食tea. 三点三黎到, 多人到要等位.我地叫左两个tea set, 妈咪要黑椒一口牛意粉, 我就要左个鲜果雪糕窝夫, 可以自选两球雪糕. 我问佢可唔可以拣日本雪糕, 佢话每加五蚊就可以转一球日本雪糕, 咁我就加左五蚊要左芝麻雪糕, 另外就拣左芒果雪糕.一路等食物时, 我地身边不断有d厨房女工攞住茶餐厅用黎洗碗碟o个d灰色大盘行黎行去, 虽然成间餐厅都系水晶大吊灯, 但系我o既感觉就好似o系茶餐厅里面等紧野食咁.另外, 现场好多人都叫o既招牌high tea set, 远睇个high tea 架好似好grand咁, 但系睇下个menu, 我觉得d食物其实就系平时茶餐厅会叫o既小食, 只不过系用一个high tea架盛住. 意粉上先, 卖相都系似茶餐厅o既炒意粉, 唔太讨好, 但系食落个牛肉好腍, 系靓牛柳, 唔系用梳打粉"拿"出, 质素几好. 过左一阵, 我个窝夫都上台. 呢个卖相几靓. 正方形o既窝夫, 脆身质感, 似日式cafe o个种, 配埋朱古力sauce食, 几好. 芝麻味雪糕系一贯日式cafe质素, 但系个芒果味就系dairy farm货色, 下次情愿加多五蚊换
我地叫左两个tea set, 妈咪要黑椒一口牛意粉, 我就要左个鲜果雪糕窝夫, 可以自选两球雪糕. 我问佢可唔可以拣日本雪糕, 佢话每加五蚊就可以转一球日本雪糕, 咁我就加左五蚊要左芝麻雪糕, 另外就拣左芒果雪糕.
一路等食物时, 我地身边不断有d厨房女工攞住茶餐厅用黎洗碗碟o个d灰色大盘行黎行去, 虽然成间餐厅都系水晶大吊灯, 但系我o既感觉就好似o系茶餐厅里面等紧野食咁.
另外, 现场好多人都叫o既招牌high tea set, 远睇个high tea 架好似好grand咁, 但系睇下个menu, 我觉得d食物其实就系平时茶餐厅会叫o既小食, 只不过系用一个high tea架盛住.
意粉上先, 卖相都系似茶餐厅o既炒意粉, 唔太讨好, 但系食落个牛肉好腍, 系靓牛柳, 唔系用梳打粉"拿"出, 质素几好. 过左一阵, 我个窝夫都上台. 呢个卖相几靓. 正方形o既窝夫, 脆身质感, 似日式cafe o个种, 配埋朱古力sauce食, 几好. 芝麻味雪糕系一贯日式cafe质素, 但系个芒果味就系dairy farm货色, 下次情愿加多五蚊换多球日式雪糕.
餐茶杯咖啡都几好.
埋单原来唔驶加一, 两个人都只系$70度, 几抵.
总括黎讲, 食物质素其实几好, 但系如果佢地想o系呢个area创出一个高级cafe, 我谂佢地要重新谂谂计。
张贴