影片
更多
2022-01-20
438 浏览
嚟到禁晚市堂食嘅前一晚，我决定要放下工作去食返餐好嘅，如果唔系可能要等到农历新年之后😳。我同朋友去咗将军澳南𠮶边嘅「Route 99」食饭，之前日间经过已经被佢嘅装修所吸引。原来夜晚来到，门外灯箱著咗灯，感觉更有味道🚏🚘。呢度弥漫住美式复古风嘅装潢，四周围都系活泼色彩缤纷嘅格调，令人眼前一亮，所以更有偶像组合前来拍MV😍。餐厅除咗装修行美式风格外，食物亦主打美国菜🇺🇸，即系有汉堡包、全日早餐、奄列、窝夫、松饼、意粉同牛扒等。菜式选择繁多，而且每一样都好似好正咁。不过基于晚市套餐内容丰富，兼且有加配优惠，所以就免却咗选择嘅烦恼。晚餐有五款选择🍽，价钱由$158至$288不等，包汤、沙律同饮品。如果想升级特饮或额外嗌甜品就加$28，而甜品选择更加系餐牌内自选，弹性好高。餐厅另外亦提供一个特价餐牌，指定主菜$100内已有交易👍。头盘沙律及西汤🥗，沙律味道唔错，菜底系椰菜丝拼红萝卜丝，酱汁甜甜哋，个人认为好过用得个酸字嘅黑醋。餐汤系蕃茄杂菜汤，味道好重蕃茄味🍅，偏酸，未算有太大惊喜。Steak Dinner($288)，🥩Prime级西冷牛扒胜在大件兼肉厚，估计约有10安士。牛味不过不失，食落
嚟到禁晚市堂食嘅前一晚，我决定要放下工作去食返餐好嘅，如果唔系可能要等到农历新年之后😳。我同朋友去咗将军澳南𠮶边嘅「Route 99」食饭，之前日间经过已经被佢嘅装修所吸引。
原来夜晚来到，门外灯箱著咗灯，感觉更有味道🚏🚘。呢度弥漫住美式复古风嘅装潢，四周围都系活泼色彩缤纷嘅格调，令人眼前一亮，所以更有偶像组合前来拍MV😍。
餐厅除咗装修行美式风格外，食物亦主打美国菜🇺🇸，即系有汉堡包、全日早餐、奄列、窝夫、松饼、意粉同牛扒等。菜式选择繁多，而且每一样都好似好正咁。
不过基于晚市套餐内容丰富，兼且有加配优惠，所以就免却咗选择嘅烦恼。晚餐有五款选择🍽，价钱由$158至$288不等，包汤、沙律同饮品。
如果想升级特饮或额外嗌甜品就加$28，而甜品选择更加系餐牌内自选，弹性好高。餐厅另外亦提供一个特价餐牌，指定主菜$100内已有交易👍。
头盘沙律及西汤🥗，沙律味道唔错，菜底系椰菜丝拼红萝卜丝，酱汁甜甜哋，个人认为好过用得个酸字嘅黑醋。餐汤系蕃茄杂菜汤，味道好重蕃茄味🍅，偏酸，未算有太大惊喜。
Steak Dinner($288)，🥩Prime级西冷牛扒胜在大件兼肉厚，估计约有10安士。牛味不过不失，食落富有口感，而生熟度亦符合所要求嘅五成熟。牛扒可选配两款配菜，我哋要咗薯蓉同炒杂菜，🥔薯蓉落得够多牛油，质感细滑，而杂菜都几好，可解腻。本身想试香草饭，但店员话份量偏多，所以都系留返下次。
Pesto Shrimp Pasta
$168
20 浏览
0 赞好
0 留言
Pesto Shrimp Pasta($168)，🍝大虾罗勒青酱意粉绿油油一遍，每条意粉都挂满罗勒叶同青酱，未食经已闻到好香，而一食就发现除咗好重香草味之余🌿，仲带微微辣，整体相当惹味。意粉煮得Q弹，朋友话感觉有啲似鱼面，哈哈。𩠌料主要有松子同虾，虾虽然唔大只，不过份量慷慨，有成十几只，而且每只都好新鲜弹牙🦐。
Red Velvet Cake
$78
12 浏览
0 赞好
0 留言
Apple Pie(原价$66)，🍎苹果批做法正宗，挞皮尚算酥脆，苹果肉入味，如果肉桂味浓啲更佳。苹果批预设配上鲜忌廉，想转雪糕就加$8。
饮品方面，我哋要咗Strawberry Milkshake(原价$66)同埋Immune Booster Juice(原价$68)，两杯都系要加钱嘅特色饮品。🍓粉红系嘅士多啤梨奶昔口感顺滑，同时亦混入咗果肉。另一杯系冷压果汁，由柠檬、橙、姜同青苹果所沟成，其中以橙味最为突出，但就比一般橙汁还要酸🍊。
最后，餐厅环境真系好靓，所以忍唔住影咗好多相📸，顺便分享俾大家睇。
总括嚟讲，餐厅各方面均令人满意👍，食物以外，店员们嘅服务态度亦都好好，每位亲切主动有礼，抵赞！题外话，呢度系宠物友善餐厅，有提供Pet Menu，大家不妨带埋毛孩一齐到访啊🐶。
张贴
