長發海鮮酒家 (已結業)

Boxing Day去完朋友屋企，大家见呢度装修靓同坐得宽敞，又有电视，无时间限制，节日又无特别加价，所以试下。睇过menu后大家都叫B餐，好似好多野食，好丰富，价钱算几抵。初初惊唔够食，点知食完好饱。服务好好！！花竹虾好大只，好食，唔错呀。苏格兰特大圣子鲜甜弹牙，粉丝吸哂d汁好正，必食推介！！日本大元贝大大只，新鲜好味，又系必食推介！！美国石蚝肥大味道鲜甜，无沙。韩国北寄贝，蒸完也没有缩水，肉质相当弹牙爽口。本湾奄仔蟹有膏，蟹肉鲜嫩。贵妃蚌好味。和牛粒入口半溶，牛味亦香。最后唔少得食埋充满海鲜精华嘅排骨南瓜粥！！店员落咗d类似洋葱白色粒粒，其实系菜葡物体，送粥好好味。