Orange Elephant Thai Restaurant (和富)

营业中

休息中

呢间泰国人主理ge餐厅听闻九龙城总店经常爆满，今晚黎到年头新开ge北角分店试下，装修几似泰国当地新派餐厅，宽敞开扬，几舒服。每晚都有$1优惠，星期二晚我地用$1叫左原价$68 ge泰式香茅炸猪扒，猪扒香脆可口，肥瘦适中。炸物真系难以抗拒，样样都想食，叫泰式拼盘就唔洗烦，全部都大大件，热辣辣，值得一提ge系虾饼虾味几浓同好弹牙。炸开就唔好停，爆炸大头虾卖相十分爆炸，两只大头虾切开八件，连埋胡椒、辣椒、香茅、柠檬叶一齐炸，未食已经香喷喷，虾肉几爽口，如果再炸透d，连埋壳食都仲得。牛腩够腍同入味，黄咖喱较温和唔算辣，捞埋炒饭一齐食几正。通菜爽口够镬气，唔会过咸。菠萝炒饭食得多，呢个仲要焗过，炒饭尽吸海鲜香气同菠萝甜味，几干身。椰青水冰凉清润，椰青肉嫩滑。泰式奶茶叫左少甜，唔会甜到盖过茶味，香滑醇厚。