The Wall Street Bar & Lounge

营业中

休息中

放工同朋友吹吓水，揾咗间楼上酒吧，一路听住音乐，一路饮野食野几舒服。一入餐厅门口已经见到wall street 象征标志，入面放咗书架做装饰，配合餐厅主题，落足心思。炸薯条配黑松露蛋黄酱粗身薯条炸得非常香脆，上面有黑松露粒，增添香气，蛋黄酱口感柔软细腻润滑。传统意式卡邦尼意粉每一啖意粉可以享受到煎香烟肉粒既咸香味，同埋充满蛋香味嘅酱汁，味道非常配合。烧加拿大有骨猪架配沙律及薯仔有骨猪架肉质松软，口感嫩滑，咬落去仲食到肉汁，猪架加左烧汁做调味，高质之作。法式苹果批配雪糕即叫即焗，食落去有满满既香甜苹果粒，配埋香滑既云呢拿雪糕，好适合做饭后甜品。Lost Star主要用咗热情果做主打，加埋橙汁、青柠汁、elderflower tonic，酸酸甜甜，非常清新。