一碗肉燥 (喜薈)

营业中

休息中

呢间「一碗肉燥」听男朋友讲左好多次，话系全区最好食，今日终于尝试到！喺呢个人口较老嘅地区，竟然有一间装潢咁年轻嘅餐厅，真系吸引到好多人，好在早去，我走嘅时候已经大排长龙！以呢粒豆做主题，餐厅墙身同餐具都有呢个logo，连waiter制服都有！个人觉得几可爱！而且d凳好细心有个篮比我放野！重点！我男朋友话一定要食咸酥鸡球wo！肉燥食辣最好！我就听话啦！果然无失望！佢有三种粉比我地加，分别系紫菜、七味粉同埋山椒粉！贪心嘅我当然试晒！我推介七味加紫菜！鸡球炸得脆卜卜！真系卡吱卡吱声𠮶只脆wo！肉好软，好juicy！无炸干！鸡皮油脂另鸡肉保持嫩滑！味道超正！肉燥方面，本身见到份量唔多有少少失望，点知发现，味道好浓，要捞全碗饭食先好食！所以够有多！肉燥半肥廋，唔会太肥，好送饭！成碗饭又多菜，健康又好食！两杯饮品都好贴心！柠茶糖浆另上，已经好细心！珍珠奶茶冻得黎冰唔多，正！