鳴虎 (馬頭圍道) (已結業)

呢日喺土瓜湾工作完，近近地去咗鸣虎石头烧食饭。餐厅装潢有啲似日本嘅大街，挂满一排排嘅灯笼，气氛热闹。豚肉泡菜锅锅物材料丰富，除咗有豚肉同泡菜之外，仲有唔同种类嘅蔬菜，例如：娃娃菜、豆腐、金菇、大冬菇等等，材料铺满整个铁锅，足料饱肚。豚肉都质素唔错，肥瘦均匀，肉味浓郁。不过汤底就比较淡。鸣虎海鲜炒饭炒饭分量慷慨，炒得干身，海鲜有帆立贝、青口、鱿鱼，加上粒粒蟹子增添口感。如果加点葱花，炒饭会更香呢！炒饭仲有跟菇菌汤，味道清甜。