Mamaday Studio (已結業)

呢日同朋友嚟咗呢间bookmark咗好耐嘅cafe, 一入到门口就知佢同其他分店一样，都系装修玩味十足。而呢间同其他分店唔同系主要卖啲轻食同饮品，三点几嚟到食个tea同朋友倾吓计都唔错。我同朋友分别嗌咗杯dirty同佢杯事事鬼鬼旦旦，仲叫咗个柚子芝士蛋糕同松露bagel。呢度主要系自助形式，系楼下等咗阵reheat个bagel, 就可以拎上去食啦。呢度二楼三楼都系座位，楼梯其实都有啲位俾人坐，仲要系个好好嘅打卡位添，而且仲有两只好乖嘅猫猫。我地就拎咗上三楼食，上到去发现仲有露台位可以坐添。讲返啲嘢食，个bagel咬落好有口感，唔系普通面包质地，个truffle cream cheese都好香，拼落蕃茄bagel好饮似食紧pizza咁。我杯事事鬼鬼旦旦其实就系house blend加soda, 似落完全有佢讲嘅菠萝同柚子味， 好refreshing又唔会过甜。 另外个芝士蛋糕都好重柚子味，而且唔系实的的个种好heavy嘅cheese cake, 咬落仲有啲柚子皮，感觉几轻盈。呢间餐厅好啱同朋友嚟消磨吓时间，如果座位再舒服啲就更好了。