影片
更多
2020-12-01
699 浏览
食日本菜最钟意就系坐吧枱，可以欣赏厨师功架，，而呢度吧枱都几阔落，坐得舒服，店员话日本大厨经验丰富，老板将菜式交晒畀佢话事，所以先能够将博多风味毫无保留带来香港，咁真系要坐定定等开餐。等待厨师即场烧制嘅时候，食d前菜先，高野豆腐、薯仔豚肉、大根牛肉、博多筑前煮都系博多家常菜，全部都煮得又腍又入味。海藻面条口感似蒟蒻面，既滑且弹。福冈风芝士豆腐口感似芝士，芝士香味唔会盖过豆味，配搭同味道相当出色。三种蔬菜都好鲜甜，而且甜味各有不同，白粟米清甜多汁，甘薯先甘后甜，京都万愿寺甜青椒香甜而不辣。日本烧蚝多数都系广岛蚝或岩手蚝，福冈唐泊惠比须蚝都系第一次试，咪睇佢细细只，放入口先知层次极之丰富，首先食到海水咸味，矿物味随之而来，最后甘甜慢慢渗出，无得弹。手羽先一夜干选用以鸡味浓见称嘅博多地鸡，以一夜干做法风干15小时，令本身浓郁鸡味更加浓缩，烧到皮脆肉嫩，烧只鸡翼都落咁多功夫，真系一丝不苟。萨摩炸鱼饼比平时食开嘅泰式炸鱼饼口感较实净，无咁似鱼丸，甜味亦较自然。厚疣鲷表面焦脆，肉质细腻带油香，唔腥，亦唔算多骨。鰯明太子系将明太子酿入沙甸鱼再烧香，鱼肉虽无厚疣鲷咁鲜甜，但充满咸香，几惹味。黑毛猪肋眼
食日本菜最钟意就系坐吧枱，可以欣赏厨师功架，，而呢度吧枱都几阔落，坐得舒服，店员话日本大厨经验丰富，老板将菜式交晒畀佢话事，所以先能够将博多风味毫无保留带来香港，咁真系要坐定定等开餐。等待厨师即场烧制嘅时候，食d前菜先，高野豆腐、薯仔豚肉、大根牛肉、博多筑前煮都系博多家常菜，全部都煮得又腍又入味。海藻面条口感似蒟蒻面，既滑且弹。福冈风芝士豆腐口感似芝士，芝士香味唔会盖过豆味，配搭同味道相当出色。
三种蔬菜都好鲜甜，而且甜味各有不同，白粟米清甜多汁，甘薯先甘后甜，京都万愿寺甜青椒香甜而不辣。
日本烧蚝多数都系广岛蚝或岩手蚝，福冈唐泊惠比须蚝都系第一次试，咪睇佢细细只，放入口先知层次极之丰富，首先食到海水咸味，矿物味随之而来，最后甘甜慢慢渗出，无得弹。
手羽先一夜干选用以鸡味浓见称嘅博多地鸡，以一夜干做法风干15小时，令本身浓郁鸡味更加浓缩，烧到皮脆肉嫩，烧只鸡翼都落咁多功夫，真系一丝不苟。
萨摩炸鱼饼比平时食开嘅泰式炸鱼饼口感较实净，无咁似鱼丸，甜味亦较自然。厚疣鲷表面焦脆，肉质细腻带油香，唔腥，亦唔算多骨。鰯明太子系将明太子酿入沙甸鱼再烧香，鱼肉虽无厚疣鲷咁鲜甜，但充满咸香，几惹味。
黑毛猪肋眼烧至大约七成熟，望落好似牛扒咁，食落肉质粉嫩弹牙，猪味浓郁，一d都唔臊，有好嘅食材真系赢在起跑线。
两款烧饭团分别系酱油同梅紫苏，饭团外层焦脆，入面软糯，酱油金菇香甜，梅紫苏清新，紫菜亦够脆。
叫左两款甜品，星野村布甸用奥八女星野村出品嘅抹茶制成，幽香茶味同甜蜜红豆相当合拍，比炖蛋更滑。西中洲红豆年糕汤热辣辣好香甜，年糕仲要烧完先放入去，烟韧带微微焦香。
甜绿茶同样来自奥八女星野村，比普通抹茶多左份清甜，而青柠梳打青柠味浓，饮到新鲜青柠汁，唔系糖浆果种死甜。
📍博多•炉端烧
尖沙咀金巴利道82A-84A号金阁大厦地舖
张贴
