樂樂冰室

营业中

休息中

乐乐冰室用既材料系靓料，真系食得出有分别👍首先系佢哋嘅牛角包炒滑蛋配火腿，佢哋会用靓啲既牛油🧈，食落除咗牛油味更加香之外，而且亦都比较健康。而且鸡蛋都系用返本地农场嘅鸡蛋，新鲜送到。沙嗲酱有特别调制过，加入去汤入面特别惹味。至于佢𠮶个焗肉酱意粉，系用纯正嘅英国水牛芝士，芝士拉丝好长，同埋食落有一浸淡奶嘅香味，都几明显食得出同其他既焗肉酱意粉唔同，用水牛芝士系正啲。西多士好好食，佢哋系用新鲜嘅油去煎，咁样会更加容易黏上蛋汁，而且颜色好靓，食落都健康啲。加上老板选用香港农场嘅新鲜鸡蛋，蛋味更加香。然后就去奶茶红豆冰，佢呢度嘅奶茶系冇落糖，取而代之系用红豆，饮落佢嘅味道好浓，比起其他普通嘅奶茶，我会觉得佢呢个更加好饮，仲可以食埋啲红豆，好甜。最后𠮶杯系叫做「唂咕」，开头我都唔知系咩嚟，但系老板同我哋讲原来呢一个系怀旧特色饮品，佢嘅味道类似系热朱古力，但系会有少少嘅苦涩，主要嘅材料应该系可可粉。呢度嘅老板好好人，佢会上一款食物都会同我哋介绍佢哋嘅用料，都系一啲本地怀旧品牌，而且无论系牛油定系鸡蛋都真系好有心机去拣，而且我都真系食得出系有唔同，整个用餐嘅体验都觉得好好。