euro go go

营业中

休息中

今日路过呢头，就系呢度食lunch啦。佢地经营模式同ME.N.U一样，都系要俾左钱先有人送野食俾你。今次食芝士肉酱辣意粉、蒜蓉包同忌廉朱古力。可能未到食饭时间，都唔系太多人。等左一阵，就有野食啦。个蒜蓉包跟餐加5元，好够味同好脆。但系下次都系唔加啦，都唔系太抵。个意粉面头都几多芝士，真系几有心机制作。肉酱味几浓，而且有小小辣，更显惹味。表面上份量唔算太多，但食完之后真系好饱。个冻朱古力个味就OK浓，个cream先系主角。我初初以为忌廉系喷射忌廉，原来佢地用蛋糕所唧既cream。如果就咁食就真系好甜，但沟埋冻朱古力就刚刚好啦。总结来说，虽然佢地系西式快餐。但系食物质素同服务绝不逊色于餐厅既，如果价位可以低番小小就更好啦。讲到咁，实有下次既。