Camellia (山頂廣場) (已結業)

睇IG见到4月开始有唔少知名人士去呢间餐厅打卡，应该系新开张。见到呢间铺系尖沙咀k11有间，呢间应该系分店。上网见到个tea几吸引，咁就上openrice book位。order左个 always in love with you 。转alcohol ，价钱$298/1，未计加一。卖相好吸引，绝对衬得起山顶嘅高贵气派。座窗口位见到山顶及对面离岛嘅景色。正。这个伯爵茶忌廉泡芙，卖相好吸睛，有淡淡嘅伯爵茶味，而咬落去，个口有好full嘅滑溜忌廉。玫瑰荔枝奶涷，面头有块朱古力，下面嘅奶涷有好香嘅荔枝味，不过唔算甜。红宝石朱古力云卷，味道就似普通蛋卷味，但系上面块白朱古力又几香口。苿莉花马卡龙，面头有金箔点缀，几脆口，但唔太甜，因为出面嘅马卡龙大部分都好甜。这个就唔错。宝盒系装英式松饼，松饼脆而香口，仲要系热，就更加好味，再配上红桑子果酱及德文郡忌廉，两种各有特色，一定要加上松饼到食。红石榴流心芝士饼，这个味道就比较少食到，几特别。另外咸点有3款，烟肉芝士挞，皮脆而且薄，烟肉带点咸，但相当夹。蘑菇酥皮盒，同样皮脆，蘑菇好有鲜味，好有咬感。鲜虾忌廉薯仔条，这个炸粉唔厚，外脆内软，虾亦新鲜。好味。