囍公館 (已結業)

同男朋友行完M+之后觉得好肚饿，咁啱见到囍公馆，我同佢讲话我哋好少食点心，佢就话不如试吓呢一间嘅点心。餐厅好阔落，我哋坐喺近窗嘅位置，望住个海景食点心别有一番风味，周不时都有啲雀仔会荡失路走咗入嚟，成个环境令人觉得好舒服。‣ 鲍鱼烧卖 $108我哋嗌咗两份有鲍鱼嘅点心，我笑咗同男朋友讲话加咗只鲍鱼即刻高级咗唔少。份烧卖啲虾肉相当爽口弹牙，绝对冇偷工减料嘅嫌疑，加埋鲍鱼仔一齐食又有唔同嘅口感。‣ 黑松露小笼包 $88小笼包嘅黑松露味好香，虽然唔系我食过最好食嘅小笼包，但系确实可以称得上系皮薄馅靓，争啲唔小心俾啲汤汁焫亲，因为咬落去𠮶阵已经爆汁。个小笼包本身都好好食，黑松露只系一个加分项。‣ 鲍鱼千层酥 $118鲍鱼嘅味道都差唔多，但系我好钟意佢嘅千层酥盒仔，咬落去嘅时候相当松化，同时可以食得出牛油𠮶浸香味。我觉得囍公馆啲点心其实就咁食已经好出色，鲍鱼、黑松露都只不过系个噱头。‣ 蒜片和牛粒 $98虽然佢最出名系片皮鸭，但系我哋都冇嗌到，男朋友话突然之间好想食牛，我哋就叫咗蒜片和牛粒，见到个摆盘嘅时候我一时醒唔起我嗌咗啲咩。本身对呢道菜冇咩期望，但系发觉牛比我想像中好食，以为啲酱汁好抢味，