Hooman by the Sea (西九龍文化區)

营业中

休息中

今日去咗近排好Hit嘅西九文化中心，呢度有一家大细，情侣都好钟意嚟呢度打卡，点解呢？因为呢度好多人喺到野餐，带宠物黎散步，无非都系想远离城市嘅繁嚣，松一松，咁自然呢度嘅餐厅都系以coffee shop为主。咁今日介绍嘅餐厅主打美食系热狗🌭️，咁热狗有咩咁特别呢，呢间餐厅热狗全部都系用宠物狗名黎命名，我就食咗👇🏻呢款名叫哥基嘅热狗咁呢款热狗唔系普通嘅芥末酱而系咸蛋黄酱，真系好味道，而香肠就系普通嘅法兰克福肠，中间有脆卜卜烟肉粒同埋生洋葱粒，食落口好脆增加唔少口感，好好食😋最后想讲下杯咖啡系一杯热嘅Cappuccino整体卖相唔错，不过篇苦，不过不失。最后喺度食个热狗🌭️，饮杯咖啡☕️，吹吹风，欣赏下美景都算系人间享受。