卜卜餃子店

营业中

休息中

幸得为食朋友推介，我先至知道西九龙中心原来有间好味嘅外卖饺子店～卜卜饺子店位于西九龙苹果商场的九楼，而非餐厅或食店最多嘅五楼同七楼，星期日到访人流亦不算多，所以要喺呢度介绍下畀人知～～生饺子有不同荤食口味包括：韭菜豚肉饺、西洋菜豚肉饺、泡菜豚肉饺、白菜豚肉饺、香葱豚肉饺，亦有麻辣和素食口味包括：麻辣旺菜豚肉饺、麻辣芫荽豚肉饺、椰菜木耳素肉饺，亦有双拼、三拼甚至四拼饺子，可以一次过试晒多个口味。店铺官网介绍馅料系每朝早新鲜腌制，选用本地新鲜黑豚肉，而当中最吸引我嘅就系佢哋选用九成瘦肉，因为多数饺子采用脂肪含量较高嘅猪肉馅料，令饺子挤身高卡路里食物行列，我亦对此一直有所避忌，不敢多吃荤食饺子。不过呢度嘅饺子就可以放心食多少少啦～双拼豚肉饺（韭菜＋芫荽）（$44）每包饺子有12只，售价中规中矩。饺子皮厚实不易散，食落好香韭菜同芫荽味。麻辣旺菜豚肉饺（$42）因为我好钟意食芫荽，所以起初系拣麻辣芫荽豚肉饺，不过在场员工建议我试唔辣嘅芫荽豚肉饺，芫荽味道会比较出，所以我改试呢个口味，估唔到食落有惊喜！非常香麻辣味，辣度适合不太食得辣嘅朋友，非常过瘾。