京都一の傳

去海港城shopping完当然要食好西，想食日本野就去左装修得好靓又成日好多人排队既人气日本菜居酒屋 — 京都一の传，试下系咪甘好食！舖头有分内场同外场，内场既枱排得比较密，但就完全置身系🇯🇵日本风装潢，好岩打卡，外场就系全部卡位，通风但就好近排队既人，感觉好似比人望住食嘢甘。今日午餐时段都几多人，排到我既时候就净返外场，当然照入！黎藏味噌渍西京烧专门店当然要叫返个 藏味噌渍银𫚕鲳定食 （$178），银𫚕鲳系号称同味噌味道最搭配嘅鱼类，咬落口感扎实又嫩滑，因为系用甜味噌整，入口甜甜地，好岩送饭，呢到既饭系用日本产越光米🍚，粒粒都好香软。另外再叫左个 特上杂锦天妇罗丼定食（$228），热辣辣又脆香既天妇罗有好多种类，除咗大大条既穴子，仲有虾、蔬菜同半熟蛋，个人最钟意穴子啖啖肉，加埋天妇罗汁捞埋食，大满足！定食仲包含水耕菜沙律、合桃豆腐、胡麻秋葵、味噌汤、茶碗蒸、渍物、碗物同季节甜品，食埋个甜品系完美既ending！