叁去壹點心粉麵飯 (已結業)

西环有三间都几出名的点心店，今日终于试到其中一间。其实如果正式黎讲，我会咁样去形容这家食店：一间有点心卖的茶餐厅。他的点心其实款式并不算太多，我们一行三人，点了虾饺、烧卖、鲜竹牛肉、叉烧包、蒸排骨、糯米鸡、虾肠，鲜竹卷、粉果、马拉糕、鸡丝粉卷同凤爪同鸡扎一共十二个点心，咁多样嘢之中，我觉得粉果最好，皆因皮唔会太厚的同时又唔容易穿，同时又唔会黐实晒，等你一夹的时候就会烂开。馅料方面除咗有平日常见嘅沙葛之外，佢仲有好多材料，好味。第二好食我会拣马拉糕，佢用嘅糖好适中，唔会太甜。排第三的我会选鲜竹卷，佢嘅鲜竹卷真系好足料，同坊间食到𠮶种得旧肉嘅好大对比，呢一间好食好多。第四位我会拣虾饺同烧卖，上枱热辣辣，所以特别好食，不过因为前面太出色，所以搞到虾饺烧卖排第四。