Miss Saigon Vietnamese Cuisine (已結業)

晚饭时间系西环觅食，经过呢间越南餐厅时被勾起食越南菜既兴趣。晚上人流唔算多，入到餐厅环境舒服。点菜时经理好nice, 热心推介餐厅热门菜式，又跟据我同朋友喜好做推介。最后点左一份小食，咖哩，主食同炒菜。首先上菜系小食，小食点左牛油鸡翼。鸡翼炸得香脆多汁，而且有阵阵牛油香味食落又唔会好漏！👍🏻咖哩牛肋肉配蒜蓉包，咖哩带椰香唔辣，牛肋肉软淋唔会过硬，美中不足系牛肋肉咖哩味唔够入味。蒜蓉包略嫌偏硬但配咖哩味道😋。炒通菜铺上蒜粒，食落加多份蒜香味。椰青鸡肉焗饭原个椰青上，椰青内焗饭带有椰青清香味，饭粒分明唔会稀烂。上层以芝士盖面有拉丝效果。经理推介芦荟香茅茶，粒粒芦荟系底，香茅茶带蜜糖味，够滋润。