影片
更多
2016-07-03
2097 浏览
朝早去完迪士尼，夜晚当然出街食饭啦~ 去左屋企附近的工厦呢间野系我无意中见到派传单，价钱好抵食晚餐都系50蚊起 (大XX个D都唔止啦) 七点几上到黎，得一枱客，我估佢应该都系靠中午个转~不过对于于我呢D顾客，当然开心啦，可以安安静静地食个饭~HAHA 呢度装修有少少欧陆FEEL, 简约个种~主打西同台食，MENU 都有2个，一个西式，一个台式台式由50到75，西式虽然贵少少，都系由73到最贵的 168 加40蚊仲有多3款小食~ 叫左一西一台套餐西式的沙律，卖相普通，D沙律汁只淋系面而无捞匀，味道就不过不失~ 另一个汤系加左40蚊既其中之一，例汤呢个例汤味道几浓，但略嫌太酸了~汤入面有劲多汤渣，食哂佢其实都几饱，所以我都放弃了~好钟意呢只咁有特色既碟，好想攞埋佢回家呀~XD 跟餐加5蚊转左呢个蜜糖柚子茶妈妈话有D太甜了，加水后味道好好多~阿囡就钟意到饮唔停XD 我就加左15蚊 转左呢个苿香奶茶味道OK，唔太甜，很有台湾奶茶风味~40蚊的前菜竟然有手拍青瓜我的至爱呀 (虽然唔明点解西式野会有呢个加，不过唔理啦) 呢个青瓜，都真系有拍架，味道酸酸，少辣青瓜很爽脆，但问妈妈点解唔同佢整个D，好
去左屋企附近的工厦
呢间野系我无意中见到派传单，价钱好抵食晚餐都系50蚊起 (大XX个D都唔止啦)
七点几上到黎，得一枱客，我估佢应该都系靠中午个转~
不过对于于我呢D顾客，当然开心啦，可以安安静静地食个饭~HAHA
呢度装修有少少欧陆FEEL, 简约个种~主打西同台食，MENU 都有2个，一个西式，一个台式
台式由50到75，西式虽然贵少少，都系由73到最贵的 168 加40蚊仲有多3款小食~
叫左一西一台套餐
西式的沙律，卖相普通，D沙律汁只淋系面而无捞匀，味道就不过不失~
另一个汤系加左40蚊既其中之一，例汤呢个例汤味道几浓，但略嫌太酸了~
汤入面有劲多汤渣，食哂佢其实都几饱，所以我都放弃了~
好钟意呢只咁有特色既碟，好想攞埋佢回家呀~XD
跟餐加5蚊转左呢个蜜糖柚子茶妈妈话有D太甜了，加水后味道好好多~
阿囡就钟意到饮唔停XD
我就加左15蚊 转左呢个苿香奶茶味道OK，唔太甜，很有台湾奶茶风味~
40蚊的前菜竟然有手拍青瓜我的至爱呀 (虽然唔明点解西式野会有呢个加，不过唔理啦)
呢个青瓜，都真系有拍架，
味道酸酸，少辣
青瓜很爽脆，但问妈妈点解唔同佢整个D，好似争紧D野妈妈话因为佢无用盐拿过D青瓜
妈妈即系妈妈，一食就知了~
再黎个蕃茄焗猪扒饭
成个饭真系即焗的而且亦系炒饭底，饭亦好软唔会到硬左~
味道偏浓
呢个本黎系谂住俾阿囡同妈妈食的但阿囡食左几啖话好辣，辣死佢
原来呢个猪扒本身加入左唔少黑椒去腌
而且个汁亦加入左唔少香料，味浓得黎都有少少香草的辛辣~
于是，我一个人 KO左成个饭 ~HAHA 本黎个台式套餐系我点的
家下变左俾阿妈同阿囡食
HKD 72
呢个套餐包括卤水蛋和鸡翼，秘制猪软骨，仲有肉燥饭估唔到有跟埋菜，真系好家庭FEEL~
卤水蛋和鸡翼都卤得好入味, 不过个猪软骨就有D失望
因为唔似系软骨，似猪瘦肉，仲好似煮完汤既瘦肉，好嚡
最惊喜系竟然用番台湾米，肥肥短短~
少少黏又好有饭味~ 混合肉燥一齐食，劲有台湾风味~
而且仲无台湾个D咁油腻添~
最后既40蚊就系呢个甜品Crème brûlée
呢个系芒果味添~
因为第一次食芒果味既Crème brûlée, 感觉唔太习惯, 都系原味好D咁~ ANYWAY, 呢个创新的甞试都应该要加分的~
呢度既价钱真系好抵食, 而且就算晚市亦无加一收费
台湾食品尤其出色
可惜我公司已刚搬出官塘，无机会系度试下佢D平价午餐添~ T.T
张贴
