港星冰室 (已結業)

其实已经好耐冇去过希慎嘅foodcourt度食饭，就算系都只系过去买个乌冬外卖就走，佢开咗好多新嘅餐厅，𠮶日行过俾佢张西多士嘅相吸引左，咁就顺便食埋个lunch啦。见佢推介五香肉丁炒饭，最钟意食肉丁嘅我底唔住吸引力叫咗，都算炒得几粒粒分明，调味亦都唔会太咸，而且我比较欣赏佢个肉丁嘅牌子唔系𠮶啲好油好硬嘅质地，最得意嘅系佢里边有几块生菜，咁样系咪营养均衡啲啦，哈哈。同事叫咗个常餐，呢度竟然可以转蟹黄面呀！蟹黄面面质比较林，而且个味道比出前一丁麻油面更加温和，推介左比同事之后佢都觉得好食过一丁。来重头戏西多士！佢可以拣炼奶、花生酱同芝士嘅夹心，我就最钟意系传统式嘅花生酱口味，而且佢系用粒粒花生𠮶只花生酱，炸得刚刚好，我觉得唔需要配太多糖浆都已经好好味，因为真系好多花生酱啊！