漢發麵家 (銀座廣場)

营业中

休息中

以前食过深水埗汉发，记得佢嘅猪润面同西多士系好食，但碍于佢太早收工，假期又成日排长龙，所以好耐无去。最近知道佢喺旺角开咗分店，而且收得夜啲，就收工去试一试啦。叫咗一碗猪润牛肉河，猪润同总店一样，好厚身又爽脆，牛肉就反而普通。汉发酱料好认真，有余均益、日清麻油，泰国胡椒粉去到西多士，汉发系用梳乎厘做法，但一上枱我发现旧牛油系盒装anchor牛油，明明总店系用鲜牛油㗎，需知道牛油对一件西多嘅重要性呀！呢旧细细的盒装牛油放落个西多士，完全系失哂色！虽然个西多都松软，但无咗旧鲜牛油真系有啲失望，希望日后餐厅可以考虑用返鲜牛油。不过旺角店系坐得舒服，侍应服务都系好嘅。但系为咗个西多，下次会去返总店食。