Food Combo (已結業)

今日屯门收工，约咗父亲去新墟度食饭，一直都见到附近有两间新西餐厅开咗，今日终于走去食。Food combo主打西式定食，感觉系日式定食嘅上盘方式，但系食物却系西式，喺香港好少见。望左望餐牌，我叫咗个香煎挪威三文鱼柠檬牛油汁配特色炸鸡粒($178)，父亲就叫咗个美国安格斯西冷9安士荷兰汁南瓜薯饼($218)👻饮品就出去自己斟，几特别。三文鱼略嫌有少少熟左d，但系炸鸡粒非常出色，有惊喜。调味独特，有少少似韩式炸鸡加日式炸鸡嘅混合版。餐汤系南瓜汤，我个人都好喜欢。想讲嘅系，千祈唔好睇小食物嘅份量，每款食物少少咁，但系食晒之后系完全非常之饱，甚至系会食唔晒🤣