椰林閣餐廳 (已結業)

今日返旧屋整啲嘢，顺便响丽晶食埋个早餐。我见成日都响港式茶餐厅食，所以今次去椰林阁，我记得佢啲咖啡系ok（唔系港式好酸𠮶只)。我哋两大一细，叫左2个早餐追加一碗雪菜米，份量啱啱好。第一个叫咗 all day breakfast, 因为睇中佢有牛角包，又有蛋、汉堡扒等。牛角包响我预期之中咁好食，好香、松软、整到热热地好好味😋个蛋就麻麻哋，唔够滑。而个蕃茄、青瓜就好一般，正常味道但卖相唔出众😅呢个系个餐追加8蚊嘅雪菜米，真系迷你版😂杯咖啡几好，即磨嘅，我无落糖而佢加奶嘅份量刚好。最后讲吓个火腿鲍片通粉，份量好大碗，我女(9岁)食唔晒，佢话个汤好好味同埋佢觉得仿鲍片嘅味好似真嘅🧐，下次要再encore 㖞。不过我几钟意佢加左几片娃娃菜，平时菜餐厅𠮶啲无嘅😅整体来讲，价格正常 ($34左右一个餐)，环境好舒服(够大又有卡位)。