Ulyssa by Aldou (已結業)

之前已经来食过几次中午饭，今次系第一次食晚餐，可能有一段时间无嚟，个 menu 好似唔同佐，而且佢哋门口同入边已经开始有啲圣诞嘅布置。估唔到工厦入边嘅餐厅，晚市都差不多满座，好在我哋有订位，唔使等位。泰式生虾刺身，西泰混合，在生虾底加生菜，最欣赏佢嘅辣汁，应该加咗少少柚子汁，有特色。波士顿龙虾冬阴功椰子意大利饭，呢个菜名就知道又系另一道 fusion 菜，原来冬阴功同意大利饭都几夹，之前试个冬阴功意粉，反而冇咁夹，佢哋冬阴功唔算好辣，1.5只辣椒辣度，酸酸辣辣好开胃，龙虾肉结实弹牙。杂莓果碗 smoothie ，份量都几多，感觉新鲜，加上椰子片，带出泰式风味。金箔慕丝朱古力，卖相一流，口感及味道都好，朱古力味浓厚。