Luxury (已結業)

依間餐廳係私房菜嚟嘅，門口真係有啲難搵，如果搵唔到都可以打去餐廳問吓。餐廳免切餅費同開瓶費，所以我哋都帶咗支白酒飲。我地要左3 courses $380。深海小龍蝦 小龍蝦肉質彈牙，味道鮮甜，而且蝦頭仲有啲蝦膏。原隻西班牙 Iberico 48個月黑毛豬火腿好鹹香，唔會過鹹，配沙律菜食啱啱好。薄切西班牙黑毛豬柳配意式吞拿魚醬呢個較普通，嗰醬好似唔係好夾。阿拉斯加蟹肉無花果沙律配法式蟹餅蟹餅外脆內軟，食到一絲絲蟹肉，無花果好香甜。香煎新鮮星班柳配藍青口、saffron 、香濃石班魚汁魚肉鮮嫩，表面剪得香脆，而個汁充滿海鮮嘅鮮甜味，配青口食一流。芝士雞卷賣相好精緻，雞肉好嫩滑,薯蓉充滿牛油香。牛小排本身對又冇乜太大期望，因為唔係專食牛扒嘅地方。但係估唔到呢個牛小排肉味香濃，飲落好juicy。宇治金時拿破崙伯爵茶慕絲蛋糕韓國柚子芝士蛋糕不過甜品就較為不般，雖然賣相都幾靚但係蛋糕太甜，抹茶同伯爵茶味道唔夠濃。