影片
更多
2016-10-03
4745 浏览
29-9-2016 (Thur)请晏昼假同老公攞护照,先o黎食个晏,去边o度食?School Food 同地中海菜二选一,老公话School Food.啊.我o地决定叫个一人套餐,有小食,主菜,饮品同甜品,价钱视乎拣边款主菜,由$68.00-$88.00等.亦另外叫多一个小食同主菜.1. 甜薯沙律果然系一人份量, o系甜薯沙律上加o左生洋葱丝同紫菜丝, 甜薯沙律口感同味道正正常常冇特别,但捞埋紫菜食,紫菜o既咸味令佢好食o左.味道: 4分2. 是日特饮,香蕉醋我饮唔到香蕉味,似饮o紧苹果醋,只觉得佢系解到渴同消滞.味道: 3分3. $68.00 o既主菜,卡邦尼年糕睇见唔知以为好大碟,其实系啲汁多,圆柱体年糕似长通粉,口感烟韧,偏唔够腍.卡邦尼汁杰,味道正常,但唔滑,老公话佢o地应该加o左薯泥.而呢个系煮到好热o既.味道: 4.7分4. $82.00o既沙冷希肉其实系田园沙律加猪手,呢个有一条辣椒,老公觉得应该唔会好辣,所以叫呢个.猪手o既皮够腍,但肉就仍有啲硬,而味道,觉得有啲似卤猪手.酱就系辣辣地,冇乜酸味.虽然唔系好辣,但都足以令我成条脷只有辣味,要系咁食田园沙律,卡邦尼年糕同饮
我o地决定叫个一人套餐,有小食,主菜,饮品同甜品,价钱视乎拣边款主菜,由$68.00-$88.00等.亦另外叫多一个小食同主菜.
1. 甜薯沙律
果然系一人份量, o系甜薯沙律上加o左生洋葱丝同紫菜丝, 甜薯沙律口感同味道正正常常冇特别,但捞埋紫菜食,紫菜o既咸味令佢好食o左.
味道: 4分
2. 是日特饮,香蕉醋
我饮唔到香蕉味,似饮o紧苹果醋,只觉得佢系解到渴同消滞.
味道: 3分
3. $68.00 o既主菜,卡邦尼年糕睇见唔知以为好大碟,其实系啲汁多,
圆柱体年糕似长通粉,口感烟韧,偏唔够腍.卡邦尼汁杰,味道正常,但唔滑,老公话佢o地应该加o左薯泥.而呢个系煮到好热o既.味道: 4.7分
4. $82.00o既沙冷希肉
其实系田园沙律加猪手,
呢个有一条辣椒,老公觉得应该唔会好辣,所以叫呢个.猪手o既皮够腍,但肉就仍有啲硬,而味道,觉得有啲似卤猪手.酱就系辣辣地,冇乜酸味.虽然唔系好辣,但都足以令我成条脷只有辣味,要系咁食田园沙律,卡邦尼年糕同饮香蕉醋解辣.田园沙律就正常冇问题.
味道: 2.8分
5. $88.00o既炸虾滑浪板
呢个好耐至到,原本谂住块滑浪板系以蛋浆做成o既薄脆片,但原来唔系,竟然系班戟,
食落,虾o既外表好硬,系面碎o黎,而虾….相对地薄弱,
我感觉唔到佢o既存在. 班戟本身味道淡,而且冇乜酱,有啲干哽o既感觉.而当中o个块叶唔知要o黎做乜?唔系薄荷叶,但佢又冇味. 上o黎Open Rice search School Food时,原来有篇报导:http://www.openrice.com/zh/hongkong/article/%E3%80%90%E9%A3%B2%E9%A3%9F%E6%BD%AE%E6%B5%81%E3%80%91%E9%9F%93%E9%A2%A8%E3%80%8C%E8%8A%9D%E3%80%8D%E3%80%8C%E8%84%86%E3%80%8D-school-food%E4%B8%89%E9%80%B1%E5%B9%B4%E9%99%90%E5%AE%9A%E8%8F%9C%E5%BC%8F/3457
o个块系紫苏叶,老公之前都估系,但唔肯定.而文中提到有蛋黄酱,我食o既时侯唔多觉,老公话有,因为佢曾经将班戟同紫苏叶分开,见到有少o既蛋黄酱搽o系班戟上.
味道: 0.5分
6. 是日甜品,啫喱
冇讲咩味,自己食啦.
我觉得系桃味,老公话似柠檬味.唔通….桃味加啲柠檬汁?呢个口感偏腍,唔够鱼胶粉?味道: 2分
觉得佢o地将韩菜加落西餐o度,有新鲜感o既.不过硬系觉得卡邦尼汁配年糕o既话,年糕要再腍啲至夹到.
服务:
OK o既,不过唔会密密收碟,要叫至收.
而上炸虾滑浪板后,佢o地俾o左两对胶手套我o地拎住o黎食,,不过我o地只用一对就够喇,环保嘛.
老公唔小心倒泻水,麻烦侍应清理,佢都俾张湿tissue老公.
环境:
几舒服o既.
抵食:1.73分
其他:
拮住炸虾滑浪板o既原来唔系牙签而系竹签,重要将个尾削剩皮打结,
比用有玻璃纸o既牙签环保,抵赞.
张贴
