Cafe Paradise (杏花邨) (已結業)

同朋友嚟到杏花邨，平日晏昼要揾嘢食，见到呢间装修几特别既餐厅，见到价钱又唔算太贵，就入咗去试试佢。餐厅系就可爱既主题乐园路线，好适合带埋小朋友嚟呢度食。除咗每日既午餐之外，都仲有好多意粉或者意大利饭之类拣，drink menu好特别。我就叫咗个黑松露野菌意大利饭($73)，黑松露味好香浓，一嚟到就闻到，饭唔会太湿太干啱啱好，亦都唔会太腻，可以食到晒成个。朋友叫既烟三文鱼黑松露海虾意大利宽条面($83)，朋友俾咗小小我试下，我都觉得好好食，啲黑松露连海鲜食好好味。我地再叫咗个小食拼盘($68)，都几多嘢食，有唔同造法既鸡翼、炸薯角、炸薯条、肠仔等，呢个价钱嚟讲份量都几多，都好好味添。