NINETYs (皇后大道東) (已結業)

好耐之前嚟食过呢间餐厅既lunch已经一试难忘，今次约咗好耐无见又系湾仔做嘢既朋友，就带佢食呢间餐厅，一落想介绍佢呢间印象咁好既小店，二内其实我都想试下呢度既晚餐。第一眼我就俾佢个Best Selling - Cheeky Cheeky($268)吸引咗，系一份澳洲式既慢煮和牛，无呃大家，我真系觉得呢个系我食过最好味既牛之一。首先个酱同啲牛非常之夹，个牛做到好软身，完全唔银，食落去肉汁好均匀，12个钟既慢煮令到佢已经锁好晒啲肉汁。望落都感受到好软熟～呢个系朋友拣既主菜，Black Truffle Linguine($168)，职员有提醒我哋要捞埋先食，黑松露味好香好重，磨菇连埋意粉食更加好味。虽然知道佢地既咖啡好出名，不过因为怕夜晚会瞓唔著，所以都系唔敢叫，我就叫咗个Grapefruit Buddy($48)，有啲似生果水既感觉，唔会甜而好清香。要值得一提既系佢地用既系环保饮筒而唔系即弃饮筒！朋友就叫杯Milk Chocolate($48)，我无饮到，不过佢就话好好饮，仲叫多杯添！