HARA

营业中

休息中

近排健身室开返，我就谂住去King’s fitness度做下运动，咁岩比我发现到对面有一间西日fusion餐厅，于是就决定运动完之后奖励一下自己食餐好嘅。首先出场嘅系吞拿鱼腩刺身同鲣鱼刺身，吞拿鱼鲣鱼刺身各有四块，吞拿鱼腩肉质肥厚，而鲣鱼肉质就白滑弹牙，非常高质。炸白虾味道有少少似中菜嘅椒盐白饭鱼，香脆加微咸嘅小食用黎佐酒一流。睡蟹意大利饭系采用面包蟹蟹膏去煮成嘅rissotto，而rissotto入边仲有蟹籽同蟹肉，粒粒分明嘅饭粒充满了蟹膏嘅味道，而且咬落去唔会太淋，我个人几钟意呢种质感，rissotto上面仲有大大粒嘅三文鱼子，用黎打卡影相一流。波士顿龙虾包外层面包松软，吸收左龙虾汁之后劲入味，可惜嘅系龙虾份量不多，不过作为小食黎讲就岩岩好。甜品椰皇焦糖炖蛋每一啖都食得出阵阵椰子味，入口香甜滑溜而且甜度适中，作为晚餐嘅结尾非常好。