薩莉亞意式餐廳 (西九龍中心)

营业中

休息中

今日中午见周围都好多人， 于是拣咗呢一间比较多位嘅日式意大利餐厅。 呢间餐厅出名平靓正快， 简直系平民大众优质嘅选择。铺头好大， 座位有好多， 坐落去亦都唔觉得迫夹。呢度有好多唔同款式嘅意粉， 薄饼， 意大利饭， 沙律甚至乎系铁板类嘅扒任君选择。 而且每一个菜式都系三十几至四十几蚊， 以西餐嚟计， 绝对系平出面成倍。今次我叫咗个明太子虾仁意粉， 再加一个蕃茄意粉， 一碟铁板青鱼同埋 一碟白汁焗菠菜。明太子虾仁意粉嘅明太子味都算浓烈， 充满鲜味。蕃茄意粉就甜甜地， 而且真系有蕃茄蓉， 非常足料。青鱼就觉得啱啱好， 无论系火喉同埋味道都出色。白汁焗菠菜味道非常浓郁， 菠菜十分惹味。四味𩠌加埋都系120蚊左右， 十分经济。