緣聚 (已搬遷) 新店位置

难得同同事放早，我地决定揾个地方食下饭吹下水先。谂起西菁街到有间叫“缘聚”既地方，之前去过几次，胜在环境同食物都唔错。我地一坐低左就当点刺身，寿司，手卷先喇! 有三文鱼腩，带子，螺等多种新鲜刺身可供选择。三文鱼腩够肥美而且都几厚切，忍唔住要食多几转先。佢地个三文鱼海胆手卷，海胆味道都算新鲜，入口无咩腥同苦味。又到炸物时间喇!! 下面呢个墨鱼饼，我个人比较like 既。咬落去里面居然有d细细粒墨鱼肉，好味之余亦都有口感，令我忍唔住要encore 多次。其他小食，好似清酒煮蚬，味道都ok。下面呢个麻辣帆立贝虽然味道对我嚟讲辣辣地，不过胜在几惹味，食下食下就会忍唔住食晒。